Google ADS

Kolona të gjata në Bllacë, qytetarët kthehen në vend pas iftarit

01:04 | 1 Maj 2021
Trina Galanxhi

Muaji i Ramazanit dhe ora policore në Maqedoninë e Veriut, u bë shkas që sot shumë qytetarë të vendit të marrin rrugën drejt Kosovës për të bërë iftar.

Pas iftarit, kolona të gjata me vetura janë parë duke pritur në hyrje të vendit në kufirin e Bllacës.

Si pasojë e rrëmujës së krijuar, shumë prej tyre janë parë jashtë veturave, duke pritur për të kaluar kufirin.

Në vend, sot nuk do të ketë as orë policore, kjo për shkak të masës së re të Qeverisë që gjatë festave fetare të mos ketë ndalesë të lëvizjes. Nga ana tjetër, objektet hotelerike punojnë deri në ora 20:30 dhe klientë mund të shërbejnë vetëm në pjesën e hapur, kurse në vend sot do të jetë edhe ditë jo pune, për shkak të 1 Majit – Ditës së Punëtorëve./TV21

Shpërndaje në rrjete sociale

Lajmet më të lexuara

Të ngjashme

Foto lajm